حبيبي انا أنتظرك يآسمينة الغالية

قولي بس منهو غيرك لما سافر
أرتجف صدري في بعاده
صارت الدنيا عنيدة ..عاندتني في غيابه
منهو غيرك بس يقدر يلمس القلب بيديه
منهو غيرك لابكيت ارتمي بصدره واجيه
قولي أنت ؟! منهو غيرك
أرمي كل حزني وراه
وأرجع أنادي عليه
ولين قال ..ياروحي أنتي
انسى هالدنيا وأجيه ..
أنسى نفسي مع زماني
أنسى دمعي وكل همي
ايه ياروحي لأنك انت بس الي ابيه
يوه لو تدري بحناني
لهفتي ..شوقي ..جناني
ليه بس انت تسافر وليه أنا بعدك أسافر
وننتظر بكرة وباكر..شوقي ماأقدر عليه ..
بس ياعمري تذكر .. كلمتي وأغلى وعودك
ضحكتك ..غيرتك ..ضمتي ..ودافي عيونك
ياني مشتاقة لهواك ..والدفا إلي بسماك
طمن القلب بكلامك ..رجع الفرحة بوصالك
ولا قولك خذني من يديني ..ضمني
ضمني حيل بجنونك أكسر بحضني ضلوعك
تراني أبوسها الصورة أقوم أضمها لصدري
أبوس الخد والشفه وبيدي ألمس كفوفك
وأجيك بلهفة أشواقي ولايردني بعادك
تراني حالفة ماأفرح اذا هالعمر ماجابك
هواك أتنفسه دايم وفيك أموت وأحيابك
حبيبي ليه تشغلني احن لك وبك أغتابك
اذا مرني طيفك أقوم أشمها ثيابك
وامشي بخطوة تسبقني فيها كلمة أشتاقك
تقولي حيل ياعمري تعالي حيل ضميني
توشوني
تغازلني
وتشعل الشوق فيني ..
أبد لاتستغرب شوقي
جنوني ودافي شعوري
انا ياعمري مجنونة جنوني سبايبه قلبي
وانا ياعمري مهووسه وهواك احساسي ونبضي
وانا مثل الغريق الي يموت بك ويحيا بك
انا ايش الي مصبرني سوى اني أعز أحبابك
و ايش جنني سوى طبعك ..غيرتك ..وعنادك
دخيلك وش ابي اكثر رجيتك تترك غيابك
تجيني من سماء حلمي
وتكسر فيا أحزاني
تقولي أدري انتظرتيني
وانتي كل احلامي
تعال نسرق الليلة انا وانت وجنوني
تعال يابعد عمري وكفكف دمعة عيوني
ولو تسافر راح أسافرشجر وأغصان
وأظلل دنيتك فيني ..
وأضم اللهفة بعيونك ..تنادي لاتخليني
وأحترق لهفة عليك ..وإيدي تشتاق لايديك
كل مافيني يحيبك وكل مافيني يبيك
وحتى لما اغفى شويا أصحى ادور عليك
يمرني طيفك ويسأل : كيف حالي ؟
كيف أيامي بدونك ؟
أحضنك بيني وبيني وتضحك لقلبي عيونك
وتحلف أنك مشتريني
بايع الدنيا لعيني
وتكلمني عيونك ..بدلي ثوب الحزن
وألبسي زي الأفراح ..أتركي همك وراك
في ابتساماتك فرح ..وفي ضحكتك أنسى الجراح
قربت منها عيونك ..أحضن لحظة وجودك
أبي نطير ونهاجر عن العالم وعن أصحابك
أبيك تهيم في حبي وأهيم بلحظة عناقك
بس خذني من يديني ..لايموت الفرح فيني
لاتسافر ياحبيبي ..لاتبعد عني لو شويا
لهفتك قالت تبيني نظرتك لسى في عينيا
كلمتك ..شوقك ..حنينك ليه تضيعها يديا
أذكرك وأمحي جروحي
أبتسم وأمسح دموعي
لو تسافر ياحبيبي ..مالي غيرك ..وأنت ليا